Andwordt Ein jede frische Wundten die madarirt vnd gübt guete Haillung aber ain Geschwer mues man zeittigen. Frag 6 Wan ainem ain Axl aus wäre und der Armb wär ime ab was ist hür nuen zu dain.Andtwurdt Ich wolt ime die Axl ainrichten vnd das Dörpandt oder Oxÿcrocÿumb ÿber lögen vnd wolte ime ain Pauschen vnder die Jexen lögen vnd verpindten wie recht ist darnach wolt ich ime den Arbm ströckh= en vnd die Pain aufainandter richten vnd wär es Sach das es ein Schlüslpruch wäre vnd die Hautt durch offen wär von den Pain oder Rern vnd der Schadten ze eng wär wolt ich den Schadten weitern schneitten vnd die Pain hinein recht aufainandter richten wärn lödtige Pain odter Schüftern im Schadten wollte ich sie supdillÿ mit ainem Instarment heraus gewienen vnd ain Dörpandt ÿber lögen vnd wo der Schadten offen ist wolt ich ain Luckhen lasen damit ich alle Tag zwaÿ Mal zue dem Schadten khundt khumben wolt in pintten vnd hailen wie recht wär. Frag 7 Wan ainem zue ain sollichen Schadten Wedagn khämbe wie khundt man ime wendten Andwordt Ich wolt in witterumb auftpindten oder lösen ob er nit ze hörte gepundten gewösen vnd wolte venumgerumb Painenmel alles khlain gepuluert Pflaster weis warm alle Tag darÿber lögen so lang pis der Wetagn hinwökh wäre. Frag 8 Was ist Vndterschaitt zwischen ainer Zeittigung vndt Vnzeitigung Apposten odter Geschwer vnd wie ist mit Peten zue handtlen ist Andtwordt Ain Geschwer was do zeittig ist soll man auf dain vnd ain Geschwer das noch nit zeitig ist das mues man zeittigen vnd waickhen Frag 9 Wan ainer zwerchÿber ain Gelit gehauen wurt oder were wie wolstu
RkJQdWJsaXNoZXIy MjQ4MjI2