Wundten an dem Menschen Andtwortt Es sindt das Hürn das Hertz die Löber vnd die Niern vnd dise Wundt= en sindt döttlich Frag 2 Wan ainer durch die Hürnschal gehauen wär odter wierte vnd die Durmater verwundtet womit sol man ime zue Hülff khumben Anttwordt Ich wolt ime die Har abwöckh dain oder scheren vnd sechen ob lödige Pain im Schadten wärnen die wolt ich suptil heraus nemben das ich der Durmadter und der Pieamater khainen Schadten döte Als dan wollte ich den Schadten mit Rosnöl salben das Öl aber nit in die Wundten lasen dräften vnd in mit Pluetstöllung verpindten wie es sich gepirt und an ain fünster Ortt lögen in ösen vnd drinckhen guete Ornung halten lassen danöben sechen das er in khainerlaÿ Wög im Leib constipirt werde volgens wolt ich ine haillen wie es sich gepürtt. Frag 3 Wan ainer durch die Hürnschal gehauen wurtt vnd die Wundtn so eng wäre das das Hürn nit heraus ginge wopeÿ soll vnd mag man es erkhenen ob das Hürn wundt seÿ odter nit Andtwurdt Ist ainer Hürn wundt so ver verleurt er die Stimb die Augen werten ime stets schwarz zue Zeiten gewint er schwarze Plattern auft der Zungen vnd schuecht grausam Rot vnder den Augen vnd Angesicht zue Zeiten wirt er vnuerständtig vnd wil die Pant abreisen dis sindt aines verwundten Hürn Zaichen Frag 4 Wan ainer starckh an das Haubt geschlagen wüert vnd die Haut gantz ist wopeÿ khan man es erkhennen das die Hürnschal zerschlagen ist Andtwordt Wan man ime mit ain Instraumendt auft den Zennen raftelt ist die Hürnschaln zueprochen so mag er es nit leitten. Frag 5 Was ist Vnderschait zwischen Wundten vnd ainem Geschwer Andwort
RkJQdWJsaXNoZXIy MjQ4MjI2