# Visitorus Inspectorus # ainem Ersamen Rath sen aines Doctors ausgeben, vnnd sonsten diser Ordnung in allen vnd jedlichen hernach begriffnen Articln vleissig threulich erbarlich vnd vngefärlich nachkhumen wölle. Zum andern sollen die Apoteckher Iren Apoteckhen vleissig vnd allein beywonen, sich mit andern Geschafften, Sorgen vnd Hänndln, vill ain hin vnnd wider zumal vnnöttigem Raisen, Geselschafften, vnnd Trunckhen nit beladen vnnd vberlegen, sondern sich selbs souil müglich obbegriffner Verhinderung besonderlich der Trunckhenheit, enthalten vnnd Iren Dienern solches nit gestatten. Wo aber Ir Ainer mit einem vberigen Trunck vnd Wein vbereillet beladen, so soll der auf die selbig Zeit Arznei zumachen vnderlassen. Da auch Füllereÿ vnnd vnordenlichs Leben bey den Apoteckhern vnnd Iren Dienern befunden wuerde, sollen Innen die # Doctores vnnd Ärzte das vndersagen, vor Straff warnen, das Sie selbst desselben abstehen, vnnd Iren Dienern nit gestatten. Wo aber solche Warnung nit verfänglich sein wolte, alsdann die Verprechen # der Obrigkeit zur Straff anzeigen.
RkJQdWJsaXNoZXIy MjQ4MjI2