73 Herrlichkheit, vnder die Insigl wir vnss vnd für all vnsser Nachkhammen mit vnssern getreuen verbundten haben, war vnd stett zuhalten, wass hieuor geschriben stett, dass ist geschechen vnd der Brieff geben alss man Zelt nach Christs gebührt, Taussent Vierhundert, vnd in dem Siben vnd Viertzigisten Jar, an Sant Vrbans Tag dess heilligen Pabst vnd Märtyrers. Num. VIII. Erzherzog Albrecht VI. trägt seinem Pfleger zu Weiteneck auf, seine Untertanen und Andere von der Beeinträchtigung des Fischwassers der Karthause Aggsbach abzuhalten. Wien, 11. Juni 1463. Wir Albrecht von Gotes gnaden, Ertzhertzog ze Österreich, ze Steir, ze Kernden, vnd ze Krain, Grafe ze Tyrol etc. Embieten vnserm getrewn n dem Pfleger zu weittenegk, Vnser gnad vnd alles gut. Vns ist anbracht, wie den Erbern geistlichen, vnsern andechtigen, dem Prior vnd Conuent zu Akspach, von etlichen zu Emerstorff vnd andern an Irer Vischwaid in der Tunaw, die Sich anheb an ainer seiten bey dem Plasshaus, vnd glang vntz hinab gen willental, vnd an der anndern seiten herentgegen an dem haytal, vnd gee hinab gen Amermül auf den pach, dy In Ir Stiffter des Gotzhauss geben habent, als wir des aigentlich vnderricht sein, Irrung tun, vnd darinn vischen wider Iren willen, des Sy Sich beswert bedunncken. Empfelhen wir dir ernstlich, das du bey den Leuten in der herschaft daselbs bestellest, vnd darob seiest, Sy an derselben Vischwaid Vngeirret zelassen, vnd auch nyemand an Iren willen darin visch, das ist Vnser ernstlich maynung. Geben zu wyenn an Sambstag vor sand Veits tag. Anno Domini etc. sexagesimo tertio. Num. IX. Kaiser Friedrich III. (IV.) befiehlt seinem Pfleger zu Aggstein und Espersdorf/Grafeneck, Wolfgang Meilerstorfer, und den kaiserlichen Dienern Sigmund Hager und Hanns Geyer, dem Jörg Seusenecker, Pfleger zu Ips/Ybbs, gegen feindliche Angriffe zu Hilfe zu kommen. Linz, 11. December 1489. Aus dem Original auf Papier, im Archiv der Stadt Ips/Ybbs. Wir Friderich von gotts gnaden Römischer Kayser, zuallent zeiten merer des Reichs. Zu Hungern. Dalmacien. Croacien etc. Kunig. Hertzog zu Österreich zu Steir etc. Embieten vnsern getrewen Wolfganngen Meilestorffer vnserm Phleger Zum Achstain vnd Eschperstorff. Sigmunden Hager vnd Hannsen Geyr. vnsern dienern. Vnnser gnad vnd alles gut, Wir haben vnsern getrewn Jörgen Sewsenegker. zu vnserm Phleger zu Ybbs aufgenomen. Emphelhen wir ew ernstlich vnd wellen. Ob wider vnser Stat vnd Gesloss . daselbs zu Ybbs, mit belegrung . oder iu annder weg . fürnemen tan. Vnd Ir . von dem benanten Sewsenegker . darumb angelanngt werdet, daz Ir Im dann . mit lewten vnd anndern notturfften . von vnsern wegen, hilff, znschub vnd beystannd tut, damit er die zu vnsern hannden behalten muge . vnd wir, vnser Lannd vnd lewt . daran nicht schaden nemen. Vnd darin khain vleiss . noch arbait sparet, als wir vnns des . zu ew versehen . Daran tut Ir vns sonndern geuallen. Vnd vnser ernstlich maynung. Geben Zu Lynntz an Freytag vor sannd Lucien tag. Anno domini etc. lxxxviiij. Vnsers Kaysertumbs im Achtunddreissigisten Jare. Commissio domini Imperatoris per d. S. de Nider consiliarium. (Rückwärts aufgedrücktes, aber verlorenes Siegel. Von außen ohne Aufschrift.) Num. X.
RkJQdWJsaXNoZXIy MjQ4MjI2