72 gentzleich lassen beieiben, vnd Si vnd Ir Leut vnd güter als vorberürt ist, dawider nicht dringen noch besweren in dhain weg. Vnd sind das die egemelten güter, von erst zwen hoff vnd ain Mül zu Eppendorf, vnd ain hofstat vnder den Mülen in dem Vrsprung gelegen. Item ain hub zu faulwisen. Item ain gut in dem werfen in kronstorfer pharr gelegen. Item ettleiche güter vnd ain Padstuben ze Samerstorf gelegen. Item ain gut am Sneidperg ze Mollen. Item ain gut ze kretaw, vnd ain gut, daz yetz der Gundel ze waldarn innhat. Mit Vrkunt des briefs, Geben ze Wienn an Eritag vor vnser frawn tag Natiuitatis. Nach kristi gepurde Viertzelienhundert Jar, darnach in dem dreyssigisten Jare. (Angeführt bei Lichnowsky V. Teil, Regesten Num. 2896.) Num. VII. Abt Erhard von Niederaltach und sein Convent verkaufen der Karthause Aggsbach ihre Zehenten diesseits der Donau, bei St. Nikla zu Aggsbach und zu Aggstein, in der Pfarre Spitz gelegen, um 198 1/2 Pfund schwarzer Wiener Pfennige, mit Vorbehalt des Wiederkaufs. Ohne Ort (Spitz ?) 25. Mai 1447. Wir Erhart von Gottes genaden Abbt zu Nidternaltaich, vnd wir gemeinlich der Conuent daselbs Sant Benedicten Orden Passauer Bistumb, Bekhennen einträchtiglich mit diessem brief für vns vnd alle vnsser nachkhamen, vnd tun klmndt allen Leuten den er fürkhombt, dass wir mit guetten willen wolbedächtlich, vnd zu der Zeit, da wir das durch recht wohlgetun möchten, vnd mit gunst des Hochgebornen Fürsten vnd Herrn, Herrn Heinrichs Pfalzgrauen bei Rhein vnd Hertzogen in Bayrn etc. Vnd auch willen vnd erlauben dess Hochwirdigen Fürsten vnd Herrn, Herrn Leonarts Bichoffen zu Passau vnssern Gnedigen Lieben Herrn etc. Recht vnd redlich verkhaufft Haben vnssers Gottshaus Zelient Weinzehent vnd getraitt Zehent, vnd andter Zehent, grossen vnd klainen, zu Veldt vnd zue Dorff, besuechts vnd unbesuechts, auf den hernach geschrieben Gründten vnd Giiettern, gelegen in Spitzer Pfahr, zu Sant Nicla, Von erst zu Aggspach Khlosterhalben vndter des Pachs. Item zu Nidtern Aggstain, vnd auf den höfen auf dem Aggstain vberall gantzen Zehent vnd sind freys Aigen mit irer Zugehörung, Alss die wir genossen haben, vnd alss die von alter herkhamen sind, mit aller nutzbarkeit, der man dauon bekhamen mag, auch all vnd ieglich vnssers Gottshauss gerechtigkheit daran gehabt haben (sic) vnd verkhauffen auch die wissentlich in Crafft diss Briefs, Den Ehrsamben geistlichen Herrn, herrn Vincenzen Prior vnd dem gantzen Conuent vnd allen ihren nachkhamen des Ehrwirdigen Gotts Hauss vnsser Frauen Portten zu Aggspach Carthuser Orden, des obgenanten Bistumbs, Vmb Neunhundtert Pfundt Pfening, vnd vmb Neunzehenthalb Pfundt Pfening, der schwarzen Wienner Müntz, auf einen Widerkhauff nach lautt eines solchen Briefs, den wir daiuber von In haben, wir sein auch der obgenanten Summa Geldts von Im (sic. in, ihnen) bezalt vnd aussgericht, on allen vnssern Schaden, gebrechen vnd Abgang, Sie mögen und sullen auch nu fürbasser mit den obgenanten Zehenten mit irer Zugehör Lediglich vnd freylichen schaffen allen iren fromen, alss mit andern ires Gottshauss Gründten vnd Güettern, on all vnsser vnd vnsser nachkhamben, auch meniglichs von vnssern wegen Irrung vnd widersprechen vngeuerlich, Wir setzen vnss auch darumb mit sambt allen vnssern nachkhamen, der obgenanten Zehent zu rechtem scherme, gewöhren vnd fürstand für all rechtlich ansprach, alss solches Khauffs, Zehents, freys aigens, vnd des Landts in Österreich recht ist ongeuer, Beschach aber dass In darin icht abgieng, oder dass in icht Khrieg oder Zuspruch darin aufferstundten mit recht von wem dass wehre, dess sie zu schaden khammen, keinen schaden ausgenommen, dass sullen vnd wollen wir in alles richtig machen, auch allen iren schaden abtragen vnd widerkheren, on all ir mühe, Sie mögen und sullen auch dess bekhamen datz Vnss vnd allen vnssern Nachkhamben Vnuerschaidtenlich, vnd darzu auf allem vnsserm Guett so wir haben im Landt zu Österreich, souer vntz dass sie aller irer schaden gantz dauon bekhamen vnd gewehrt werden an abgang, dass ist vnser guetter will vnd wortt on alles widersprechen getreulich ongeuer. Dess darüber zu Vrkhundt geben wir In vnd allen iren nachkliamben den brieff nach Yleissiger vnsser gebett besigelt mit dess Hochwirdigen Fürsten vnssers obgenanten Gnedigen Herrn, Herrn Leonardts Bischoffen zu Passau, vnd mit vnssers obgenanten Abbts und Conuents anhangenten Insigln, doch dem obgenanten vnsserm Gnedigen herrn vnd allen seinen Nachkhammen on schaden vnd vnentgolten an aller
RkJQdWJsaXNoZXIy MjQ4MjI2